Sechsilüüta 2026

Lieus

Al Sechseläuten 2026 sa preschenta il chantun Grischun cun il motto «propi patgific». Durant quatter dis celebrain nus il sentiment da viver grischun en differents lieus e cun differents puncts da program. Il center da la preschientscha grischuna è situà sin il Lindenhof – cun vista sin la citad veglia, Grossmünster e Limmat. Qua sa mussa, pertge ch’il Grischun n’è betg mo in lieu spezial per viver e far vacanzas, mabain er ina ferma plazza economica.

Lindenhof

Il Lindenhof cun vista sin la citad veglia e sin la Limmat furma il center da la preschientscha grischuna. Durant quatter dis datti qua musica da tut ils chantuns dal Grischun, ina vasta culinarica, artisanadi autentic e bler sentiment da viver grischun. Il viadi per scuvrir nossas valladas pleda tut ils senns – empermess. Ed ils puncts culminants? Il program da musica, ils stans e l’aventura da glamping grischun.

Plazza dal Sechseläuten

Sin la plazza dal Sechseläuten vegn ars glindesdi, ils 20 d’avrigl 2026, a las 18.00 il Böögg. Al cortegi tradiziunal da las zunfts sa participescha il Grischun cun in’atgna delegaziun. Da la partida èn tranter auter ils Walser Heuvolch & Wildmannli, la federaziun grischuna da lutga cun il retg da la lutga Armon Orlik, la federaziun grischuna dals guids da muntogna, dunnas en costum sco er la Musica da Domat e l’uniun da tamburs da Domat.

Program

Tge gira cura e nua? Durant ils quatter dis al Sechseläuten 2026 porscha il Grischun blers puncts culminants e numerusas surpraisas. Cun blera atmosfera ed autenticitad sa mussa il vair sentiment da viver grischun.

Program