Sechsilüüta 2026

Graubünden – echt patgific

Il Grischun è «propi patgific»: Spazi per viver, per lavurar e per sa recrear en ina. «Propi da vast orizont» sco regiun da vacanzas, sco lieu d’industria e da perscrutaziun. «Propi bun» grazia a la culinarica alpina. «Propi da chasa» cun trais linguas ed in sentiment da viver unic che ralentescha, calma ed inspirescha. Il Grischun – nua ch’ins lavura, viva, ri e daventa «patgific». Adina.

Cifras e fatgs

Surfatscha: 7105 km2
Populaziun: 204’888
Chapitala: Cuira
Linguas: Tudestg (73 %), Rumantsch (14 %), Talian (13 %)

Attracziuns

Durant il Sechseläuten 2026 ans legrain nus da bleras visitadras e blers visitaders sin il Lindenhof. Anc pli bel èsi, sche nus dastgain beneventar quests giasts a chasa en il Grischun. Lieus ch’ins sto avair vis datti tar nus per fortuna pli che avunda. Ils pli bels tradin nus qua.

Chavorgia Viamala

Viamala
«Via mala» – uschia numnavan ils berniers la chavorgia selvadia da la Viamala, tras la quala il Rain Posteriur fracassa. Ozendi visetan giasts quest lieu gist pervia da quest mund spectacular cun aua e grippa.

Ruinaulta

Surselva
Ina bova gigantica ha furmà avant 10’000 onns la cuntrada unica da la Ruinaulta. La meglra vista sur il Grand Canyon da la Svizra datti da la plattafurma panoramica Il Spir datiers da Conn.

Cultura

Tor Alva, Mulegns
Il Grischun schlargia Voss orizont grazia a bler art e cultura. Saja quai museums, architectura, occurrenzas, lieus istorics u il patrimoni cultural: Il Grischun porscha insatge per mintga gust.

Viaduct da la Landwasser

Filisur
Natira impressiunanta amez las Alps: Sper Filisur è il viaduct da la Landwasser cun in’altezza da 65 meters. L’ovra architectonica spectaculara da la Viafier retica tutga dapi l’onn 2008 tar il Patrimoni cultural mundial da la UNESCO.

Lais da muntogna

Surettasee oder Lago di Saoseo
Avais tschaffen da lais? Alura As tradin nus ils diesch pli bels lais da muntogna, elegids da 5000 fans dal Grischun. E – per tut quels che viandeschan gugent, datti ina proposta per ina tura adattada.Surettasee oder Lago di Saoseo

Aventuras sin il glatscher Diavolezza

Engiadina
Saja quai il Curtin da glatschers da Cavaglia u il glatscher da Morteratsch: En l’Engiadin’Ota As muvais Vus tras in mund da glatsch unic. La meglra vista sin il massiv dal Bernina porscha la staziun da muntogna Diavolezza.

Parc Naziunal Svizzer

Engiadina
En il Parc Naziunal Svizzer As spetga ina natira intacta. Explorai viandond la Val Trupchun, l’arena da tschiervs da las Alps. U observai chamutschs, muntanellas e capricorns.

Home of Trails

Mustér
Gust sin singletrails senza fin? En il Grischun è quasi mintga via averta per amaturs dal mountainbike. Scuvri vias autalpinas, flowtrails e turas sin chamonas – tut enramà d’ina cuntrada imposanta.

Vitgs da muntogna

Tschiertschen oder Ladir
L’aria da muntogna grischuna è sauna e fa simplamain bain. Nus tradin, en tge vitgs da muntogna che Vus pudais respirar spezialmain bain e nua che Vus chattais blera quietezza e natira. Propi patgific.