Al Sechseläuten 2026 duai esser pussaivel da sentir il Grischun durant quatter dis – e quai «propi patgific». Cor e coc ei il Lindenhof. Qua preschentain nus musica da tut las regiuns dal chantun, culinarica, artisanadi e bler sentiment da vita grischun. Per divertiment procuran bands dal Grischun u cun ragischs grischunas – dal orgelet da maun sur rock e pop fin a blues. Triling, surprendent ed uschè multifar sco nossas valladas.
Ultra da quai sa participescha il Grischun cun in’atgna delegaziun al cortegi d’uffants la dumengia ed al cortegi tradiziunal da las zunfts il glindesdi. Uschia purtain nus tradiziun, istorgias ed il mund alpin en la citad da Turitg.
Il Grischun sa preschenta gia trais emnas avant il Sechseläuten a Turitg: Las «emnas grischunas» en il Schweizer Heimatwerk sveglian cun lingua, cultura, culinarica ed artisanadi il plaschair sin il temp dal Sechseläuten.
