Sechsilüüta 2026

– echt patgific.

Benvenuti – Bainvegni – Herzlich willkommen

Durant il Sechseläuten dals 17 fin ils 20 d’avrigl 2026 transfurmain nus il Lindenhof en in pitschen viadi per scuvrir nossas valladas: cun in program da divertiment triling, cun spezialitads culinaricas, artisanadi grischun e cun bleras surpraisas che nagin na spetga forsa – danor las Grischunas ed ils Grischuns sezs.

Tge spetga las visitadras ed ils visitaders? Blera atmosfera, blera autenticitad ed adina puspè pitschnas surpraisas ch’è tipicas grischunas. In punct da program spezial: Sonda, ils 18 d’avrigl 2026: «Schnulz im Sulz – da l’Alp Nagens sind il Lindenhof».

Dapli detagls davart il program suondan plinengiu. Tant è gia cler: I vegn patgific.

Il Böögg visita il Grischun

Il Böögg sa renda avant il Sechseläuten sin in viadi e visita il chantun Grischun. Dals 5 fin ils 8 da mars 2026 è el al Maraton da skis engiadinais, sustegna las participantas ed ils participants e piglia schizunt part a la cursa da notg – cun in agen numer da partenza.

Tar il program

Züri Märlitram – cun Nesa e Fiorella

Entrai en il tram, il Böögg parta! A partir dals 20 da mars prenda il Züri Märlitram uffants da 4 fin 9 onns sin in viadi fabulus tras la citad. Il Böögg è en funcziun sco manischunz ed ils uffants vegnan per exempel a savair, co ch’il Böögg vegn construì e tge zunfts che sa gidan.

Bigliets ed infurmaziuns www.maerlitram.ch

Program

Natiralmain essan nus era da la partida cun in’atgna delegaziun al cortegi d’uffants sco er al cortegi tradiziunal da las zunfts. E gea, nus na mussain betg mo costums e tradiziuns, mabain derasain er in spiert orientà vers l’avegnir: innovativ, avert, direct e garantì patgific.

Lieus

Durant quatter dis sa derasa sin il Lindenhof il veritabel spiert da viver grischun – cun vista sin la citad veglia e la Limmat. In martgà, tribunas per concerts e blera atmosfera stgaffeschan in lieu per sa fermar, per scuvrir e per giudair. Ubain per simplamain sa sentir «propi da chasa».

«Patgific» da Simon Klucker

La chanzun da Simon Klucker ch’è vegnida cumponida aposta per il Sechseläuten 2026 sveglia grond plaschair sin la preschientscha grischuna. In gust musical sin il sentiment da viver ch’il Grischun porta a Turitg.

Telechargiar il song

Chantun ospitant Grischun

L’onn 2026 porta il Grischun sco chantun ospitant in vent frestg a Turitg – in vent alpin. Al Sechseläuten mussain nus co che la trilinguitad tuna e con natiral che tradiziun ed innovaziun van a prà – uschè armonic sco capuns ed aria muntagnarda. E nus rendain visibel, pertge ch’il Grischun n’è betg mo in lieu unic per viver e per far vacanzas, mabain er in ferm lieu economic.